Бокстан әлем кубогына қатысатын Қазақстан құрамы жарияланды
Фото: Icon Sport via Getty Images
30 маусым мен 7 шілде аралығында Астанада World Boxing федерациясының ұйымдастыруымен бокстан Әлем кубогының кезеңі өтеді, деп хабарлайды Pin-Upsport.kz.
Қазақстан құрамасының бас бапкері Қайрат Сатжанов Olympic.kz сайтына берген сұхбатында дайындық барысы мен алдын ала құрамды атап өтті.
Қазіргі уақытта елордада ұлттық құраманың негізгі және екінші нөмірлі боксшылары қатысып жатқан соңғы оқу-жаттығу жиыны өтіп жатыр. Жаттығуға отандық спортшылармен бірге АҚШ, Канада, Франция және Сербия елдерінің былғары қолғап шеберлері қосылған. Жақын күндері Оңтүстік Корея, Аустралия және Әзербайжан командалары да келмек.
Сатжановтың айтуынша, боксшылар үш кезеңдік дайындықтан өтіп, жақсы формада. Дегенмен, жарысқа тек бір құрам ғана тіркеледі. Алдын ала тізімде:
50 кг – Санжар Ташкенбай
55 кг – Махмұд Сабырхан
60 кг – Серік Теміржанов
65 кг – Ертуған Зейнұллинов
70 кг – Абылайхан Жүсіпов
75 кг – Сабыржан Аққалықов
80 кг – Нұрбек Оралбай
85 кг – Бекзад Нұрдәулетов
90 кг – Сағындық Тоғамбай
90+ кг – Айбек Оралбай
