Бивол неге UFC-да бокстан аз төлейтінін түсіндірді
Дмитрий Бивол. Фото: Getty Images
Бокстан әлем чемпионы Дмитрий Бивол UFC мен кәсіби бокс арасындағы қаржылық айырмашылық туралы өз пікірін білдірді. Forbes.ru порталына берген сұхбатында ол UFC-дің монополия болуы – ММА спортшыларының табысының төмен болуына тікелей әсер етеді деді.
«UFC – бұл салада жалғыз ықпалды ұйым. Ал бокста WBC, WBA, WBO және IBF секілді бірнеше ұйым бар, олар бір-бірімен бәсекелесіп, спортшыларға жақсы шарт ұсынуға тырысады. Егер бокста да тек бір ғана құрылым болғанда, гонорар азайып, бірақ келіссөздер мен жекпе-жек ұйымдастыру жеңілдейтін еді», – деді Бивол.
Еске салайық, 2024 жылдың қазанында Бивол Артур Бетербиевтен төрешілердің шешімімен жеңіліп қалған. Алайда 2025 жылдың ақпанында есе қайтарып, абсолют чемпион атанған. Кейін бір белбеуін Давид Бенавидеске беріп қойды. Қазір Бетербиевпен үшінші жекпе-жек өткізу туралы келіссөздер жүріп жатыр. Кездесу 2025 жылдың соңына жоспарлануы мүмкін.
Айбар Рысдаулет
Еуропаның ең қымбат клубтары анықталды: АПЛ үстемдік құрып тұр
Дәуір өтті: Овечкин мансабын 2026 жылы аяқтайды