Бекзат Алмахан UFC 315 турниріне чемионмен дайындалып

18 Апрель 2025, 16:20ММА

Бекзат Алмахан. Фото: bekzatalmahan/Instagram

Қазақстандық файтер Бекзат Алмахан UFC 315 турниріндегі жекпе-жегіне қызу дайындалып жатыр. Жекпе-жек 10 мамыр күні Канадада, Монреаль қаласында өтеді. Қазір Бекзат АҚШ-та — әлемге танымал American Top Team залында жаттығу жүргізуде.

Ол бұл лагерь аясында UFC-дің қазіргі чемпионы, бразилиялық Александр Пантожамен спарринг өткізіп үлгерді. Бұл тәжірибе Бекзат үшін маңызды сәт болды. Енді ол октагонға канадалық Брэд Катонаға қарсы шығады.

Айта кетейік, бұл Алмаханның ұзақ үзілістен кейінгі алғашқы жекпе-жегі. Ол UFC-дегі дебютін 2024 жылдың наурызында өткізіп, Умар Нурмагомедовпен айқаста қарсыласын бірінші болып нокдаунға түсірген. Бір жылдық үзіліс пен операциядан кейін Бекзат үлкен спортқа қайта оралмақ.

Тегтер:UFC

Автор туралы

Айбар Рысдаулет

Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.

Барлық авторлық жазбаларды көру

Алдыңғы мақала: