Бауыржан Исламхан Кишинёвте «Астана» сапына қосылды
Фото: ФК Астана
«Астананың» жаңа ойыншысы Бауыржан Исламхан Конференциялар лигасының екінші іріктеу кезеңіндегі «Зимбруға» қарсы қарымта ойын алдында Кишинёвтегі команда базасына келіп қосылды, деп хабарлайды Pin-UpSport.kz.
Алайда жартылай қорғаушы бұл ойында алаңға шықпайды. Қарымта кездесу 31 шілде күні өтеді. Алғашқы матч Астанада өтіп, 1:1 есебімен тең аяқталған болатын. Жеңіске жеткен команда келесі кезеңде «Вардар» мен «Лозанна» жұбының жеңімпазымен кездеседі.
Исламхан бұған дейін негізінен «Қайрат» сапында ойнады. Сондай-ақ ол «Тараз», «Ордабасы», «Тұран», Ресейдің «Кубань» және БАӘ-нің «Аль-Айн» клубтарында өнер көрсеткен.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
