Рыбакина жұптық рейтингте орнын жақсартты
Елена Рыбакина
Вашингтонда өткен турнирден кейін Әйелдер теннис қауымдастығы (WTA) жаңартылған рейтингті жариялады, деп хабарлайды Pin-UpSport.kz.
Жекелей сында көш басында өзгеріс жоқ: бірінші орында — Арина Соболенко, екінші — Кори Гауфф, үшінші — Ига Швёнтек. Қазақстандық Елена Рыбакина жартылай финалға шыққанымен, 12-орнын сақтап қалды. Ол бұл кезеңде канадалық Лейла Фернандеске есе жіберіп, қарсыласы турнир жеңімпазы атанды.
Фернандес бұл табысы арқылы рейтингте 12 сатыға көтеріліп, 24-орынға жайғасты. Финалға шыққан ресейлік Анна Калинская 17 орын ілгерілеп, 31-сатыға жетті. Ал Юлия Путинцева үш саты төмендеп, 46-орында тұр.
Жұптық есепте Анна Данилина 10-орында қалды. Жібек Құламбаева екі орын алға жылжып, 126-орынға шықты. Ал Рыбакина бірден 296 саты жоғарылап, 273-орынды иеленді. Бұл нәтижеге ол Эмма Радуканумен бірге жартылай финалға жетіп, кейін жарақатына байланысты ойынды тоқтатқан соң қол жеткізді.
