Азияны дүбірлеткен жастар: Қазақстан былғары қолғап шеберлері 22 алтынмен оралды
Фото: kazsports.kz
10–24 мамыр аралығында Шри-Ланканың Коломбо қаласында өткен бокстан U22 Азия чемпионатында жастар арасындағы бәсеке мәресіне жетті.
2007–2008 жылы туған ұлдар мен қыздар арасында өткен жарыста 25 салмақ дәрежесі бойынша жеңімпаздар анықталды. Ұлдар арасынан 11 боксшымыз финалға шығып, соның 10-ы алтын медаль иеленді. 86 келіде Нұрсұлтан Қыстаубай қола жүлдеге қол жеткізсе, 71 келіде жүлде бұйырмады.
Бұған дейін қыздарымыз да барлық 12 салмақта топ жарған болатын. Осылайша Қазақстан U22 Азия чемпионатында 22 алтын иеленіп, жалпыкомандалық есепте жеке-дара көш бастады. Тәжікстан мен Қырғызстан сәйкесінше 2 және 1 алтынмен шектелді.
Айта кетейік, жарыс жеңімпаздары Халықаралық бокс федерациясынан қаржылай сыйақы алды: бірінші орын – 1000 доллар, екінші – 500 доллар, үшінші орын – 250 доллар.
