Астанада өтетін бокстан әлем кубогына негізгі құрам қатысады
Фото: Olympic.kz
Қазақстан ерлер құрамасының бас бапкері Қайрат Сәтжанов биыл Астанада өтетін бокстан әлем кубогына қатысатын спортшылардың алдын ала тізімін жариялады. Турнир 30 маусым мен 7 шілде аралығында World Boxing ұйымының аясында өтпек.
Tengri Sport тілшісіне берген сұхбатында Сәтжанов: «Кубокта ел намысын негізгі құрам қорғайды. Олимпиаданың күміс жүлдегері Нұрбек Оралбай да қатысады», – деп атап өтті.
Құрамға енгендер: Санжар Тәшкенбай (50 кг), Махмұд Сабырхан (55 кг), Серік Теміржанов (60 кг), Ертуған Зейнуллинов (65 кг), Абылайхан Жүсіпов (70 кг), Сабыржан Аққалықов (75 кг), Нұрбек Оралбай (80 кг), Бекзад Нұрдәулетов (85 кг), Сағындық Тоғамбай (90 кг) және Айбек Оралбай (90+ кг).
Айта кетейік, Қазақстан құрамасы биыл «Кіші әлем чемпионаты» саналатын «Странджа кубогында» 18 медаль жеңіп алып, үздік команда атанған болатын.
