Артем Резников: «Маңыздысы – ұлт емес, қай тумен шығатының»
Артем Резников. Фото: vesti.kz
Қазақстандық ММА жауынгері Артём Резников Пётр Ян мен Хамзат Чимаев арасындағы пікірталасқа қатысты ойын білдіріп, не себепті өзін ресейлік спортшы деп санамайтынын түсіндірді, деп хабарлайды Pin-UpSport.kz.
Бұған дейін Пётр Ян Чимаевты ресейлік спортшы деп есептемейтінін айтқан болатын, себебі ол жекпе-жекке Ресей туымен шықпайды. Резников бұл пікірмен келісіп, спортшының қай елді танытатыны — оның қай тумен шығатынына байланысты екенін айтты. Оның сөзінше, ұлтқа емес, азаматтық пен спорттық өкілдікке мән беру қажет.
«Ұлт — спортта шешуші фактор емес. Мен орыспын, бірақ Қазақстанды танытамын. Кейбіреулер маған: “Сен Қазақстанның атынан шығасың, онда сен орыс емессің” дейді. Бірақ бұл дұрыс емес. Ұлт — тарихи ұғым, ал елді таныту — азаматтық парыз.
Чимаевты да ресейлік спортшы деп атау қиын, өйткені ол Ресей туын көтеріп шықпайды. Егер мен де басқа елдің туымен шықсам, мені де ресейлік дер еді. Ал мен Қазақстанның туымен шығамын», — деді Резников.
Айбар Рысдаулет
Азат Мақсұм UFC-ден қуылды
Жәнібек Әлімханұлы үш чемпиондық белбеу үшін Эрисланди Ларамен жұдырықтасады