«Армандағанның айыбы жоқ»: Адамес Жәнібектің жоспарын шындыққа жанаспайтын деп санады
Жанибек Алимханулы. Фото: Getty Images
Орта салмақтағы WBC чемпионы Карлос Адамес қазақстандық боксшы Жәнібек Әлімханұлының барлық белбеуді біріктіру туралы жоспарына күле қарады. Доминикандық спортшы әлеуметтік желідегі жазбаға «Армандағанның айыбы жоқ» деп пікір қалдырып, бұл мақсатқа сенбейтінін білдірді.
Mo Boxing, No Problem порталы жариялаған мәліметке сәйкес, Qazaq Style командасы алдағы кезеңнің жоспарын жасаған. Онда жазда Адамеспен, жыл соңына қарай WBA чемпионы Эрисланди Ларамен, ал 2026 жылдың көктемінде Сауль «Канело» Альвареспен жұдырықтасу көзделген. Мақсат – абсолют чемпион атану.
Алайда Адаместің реакциясына қарағанда, ол мұндай жоспарды байыппен қабылдап отырған жоқ. Айта кетейік, Карлос Адамес соңғы жекпе-жегін 2025 жылғы ақпанда Хамза Ширазбен өткізіп, тең нәтижеге қол жеткізді. Қазір ол WBC ұйымының міндетті үміткері қазақстандық Мейірім Нұрсұлтановпен болатын титулдық кездесу туралы келіссөз жүргізіп жатыр.
Айбар Рысдаулет
Владислав Васильев «Атырауға» ауысуы мүмкін
Рыбакина «Ролан Гаррос» турнирін жеңіл қарсыласпен бастайды