Амир Хан: «Головкин – күш, Жәнібек – техника»
Амир Хан. Фото: Getty Images
Әлемнің экс-чемпионы, британдық боксшы Амир Хан Qazsport телеарнасына берген сұхбатында Геннадий Головкин мен Жәнібек Әлімханұлы жайлы пікір білдірді.
«Мен қазақ боксын жақсы көремін. Оның қазіргі стилі мүлде бөлек деңгейге көтерілді. Алғашқысы – GGG. Ол керемет боксшы. Ешқашан ештеңеден қорықпайды. Лас-Вегастағы жекпе-жектеріме келгенде өз көзіммен көрдім. Рингте қарсыластарын жай ғана сындырып тастайтын. Оның бойында нағыз күш, қуат, совет мектебінің қатаң әрі нәтижелі стилі бар», – деді ол.
Ханның айтуынша, Жәнібек мүлде басқа бағыттағы боксшы. «Ол – шапшаң, икемді, техникалық тұрғыдан мықты. GGG тік жүретін, төзімді болса, Жәнібек – серпінді. Екеуінің стилін салыстыру өте қызық. Екеуі де өз жолымен керемет», – деді Амир Хан.
