Александр Бублик Париждегі «Мастерс» турнирін жартылай финалда аяқтады
Фото: пресс-служба ФТК
Қазақстандық теннисші Александр Бублик (ATP рейтингінде 16-орында) Парижде өткен «Мастерс» сериялы турниріндегі өнерін жартылай финалда аяқтады, деп хабарлайды Pin-UpSport.kz. Ол канадалық Феликс Оже-Альяссиммен (10-орын) кездесіп, екі сетте жеңіліп қалды — 6:7, 4:6.
1 сағат 42 минутқа созылған матчта тартысты ойын өрбіді. Бірақ шешуші ұпайларды канадалық спортшы өз пайдасына шешті. Осылайша, Бублик финалға шыға алмады, ал Оже-Альяссим шешуші сында Александр Зверевпен (Германия, №3) немесе Янник Синнермен (Италия, №2) кездеседі.
Бұған дейін Бублик турнирде бірқатар мықты қарсыластарын жеңген еді. Ол австралиялық Алексей Попыринді (6:3, 6:2), француз Корентен Мутені (6:3, 7:5), әлемнің төртінші ракеткасы Тейлор Фритцті (7:6, 6:2) және алтыншы нөмірлі Алекс Де Минорды (6:7, 6:4, 7:5) тізе бүктірді.
Бұл нәтиже Бублик үшін маусымдағы ең сәтті көрсеткіштердің бірі болды. Ол ATP рейтингінде үздік 20 ойыншының қатарында өз орнын сақтап, келесі маусымға сенімді қадаммен аттанбақ.
Айбар Рысдаулет
Ислам Чесноков Шотландияның «Хартс» клубына ауыспайтын болды
«Қайрат» «Приштинаны» ойсырата жеңіп, футзалдан Чемпиондар лигасының плей-офф кезеңіне шықты