Айдос Медет АҚШ-та кәсіби мансабын жалғастырады
Қазақстандық боксшы Айдос Медет кәсіби мансабын АҚШ-та жалғастырып, 24 қаңтар күні Лонг-Бич қаласында өтетін бокс кешінде рингке шығады, деп хабарлайды Pin-UpSport.kz.
Бұл кездесу жас спортшы үшін халықаралық деңгейдегі кезекті маңызды сынақ болмақ және оның америкалық ареналардағы алғашқы қадамдарының бірі саналады.
Айдос Медеттің қарсыласы Армения өкілі Азат Ованнисян болады. Сегіз раундқа жоспарланған жекпе-жек екінші жартылай жеңіл салмақ дәрежесінде өтеді. Жекпе-жек қарсаңында екі боксшы да ресми өлшеу рәсімінен сәтті өтіп, салмақ лимитіне сай келді, сондай-ақ дәстүрлі көз арбасу рәсімін өткізді. Бұл кездесу қазақстандық боксшы үшін қарсыластың тәжірибесіне байланысты маңызды тексеріс ретінде бағаланып отыр.
Азат Ованнисян кәсіби бокста айтарлықтай тәжірибесі бар спортшы. Ол 2018 жылы WBC тұжырымы бойынша әлем чемпионы атағы үшін жекпе-жек өткізіп, мексикалық Рэй Варгасқа төрешілердің бірауыздан шығарған шешімімен жол берген. Армениялық боксшы мансабында көптеген жекпе-жек өткізіп, жеңістерінің басым бөлігін нокаутпен аяқтаған және халықаралық деңгейдегі мықты қарсыластармен кездескен.
Айдос Медет алдағы жекпе-жекке жеңіліссіз рекордпен келіп отыр. Ол соңғы рет 2025 жылы «Ақтөбе» қаласында өнер көрсетіп, отандасы Қанағат Манатұлын нокаутпен жеңген болатын. АҚШ-та өтетін бұл жекпе-жек қазақстандық боксшының болашақтағы жоспарларына, рейтингтегі орнына және халықаралық аренадағы келесі қадамдарына тікелей әсер етуі мүмкін.
Айбар Рысдаулет
Жалғас Жұмағұлов UFC-ке қайта оралу жөнінде келіссөздер жүргізіп жатыр
Анна Данилина Australian Open-2026 турнирінің үшінші айналымына өтті