Әлиев құрамамен қала ма? Бұл туралы Vesti.kz хабарлайды
Али Алиев
Қазақстан футбол құрамасы бас бапкер Әли Әлиевтің жетекшілігімен екі ресми матч өткізді. Енді оның тағдыры Қазақстан футбол федерациясының шешіміне байланысты болмақ.
Vesti.kz мәліметінше, бапкерге қойылған басты мақсат – Уэльс пен Лихтенштейнге қарсы екі кездесуде төрт ұпай жинау болған. Қазақстан Вадуцте жеңіске жетті, алайда Кардиффте қарсыласқа жол берді.
Соған қарамастан, ҚФФ басшылығы Алиевтің жұмысын оң бағалап отыр. Оның Түркияда өткен екі оқу-жаттығу жиынындағы белсенділігі, еңбекқорлығы, жүйелі әрі қазіргі заман талабына сай тәсілдері жоғары бағаланған. Сонымен қатар, құрамды біртіндеп жаңарту мен ойыншыларға қойылатын талап та оң әсер қалдырған.
Осылайша, Әли Ханалиұлының құрамамен жұмысты жалғастыру мүмкіндігі жоғары. Қазіргі таңда Қазақстан құрамасы үш ұпаймен J тобында үшінші орында келеді, доп айырмашылығы – 3:3.
Айбар Рысдаулет
Макгрегор октагонға оралатынын мәлімдеді
Евгений Кошкин әлемдегі ең жылдам шапқан конькиші атанды