Бек Нұрмағанбет Лас-Вегаста жарқын жеңіске жетті
Бек Нурмаганбет. Фото: Getty Images
Екінші орта салмақтағы қазақстандық боксшы Бек Нұрмағанбет (15-0, 12 КО) Лас-Вегаста (АҚШ, Невада штаты) өткен кәсіпқой бокс кешінде жеңіске жетті, деп хабарлайды Pin-UpSport.kz.
Оның қарсыласы америкалық Стивен Самптер (11-2-1, 9 КО) болды. Он раундқа жоспарланған айқас мерзімінен бұрын аяқталды: екінші раундта Нұрмағанбет қарсыласын ауыр нокдаунға түсірді, ал үшінші раундтан кейін Самптердің бұрышы қатты жарақатына байланысты жекпе-жекті тоқтатты.
Осылайша, 27 жастағы Нұрмағанбет кәсіпқой мансабындағы 15-жеңісіне қол жеткізіп, жеңіліссіз көрсеткішін сақтап қалды. Самптер болса, екінші рет ұтылды.
Айта кетейік, Нұрмағанбет соңғы үш жылдан бері Сауль «Канело» Альварестің (63-2-2, 39 КО) командасында спарринг-серіктесі болып жүр.
