Сағындық Тоғамбай әлем чемпионатын жеңіспен бастады
Сағындық Тоғамбай Ливерпульде (Ұлыбритания) өтіп жатқан бокстан әлем чемпионатында алғашқы кездесуін жеңіспен бастады, деп хабарлайды Pin-UpSport.kz.
Қазақстандық боксшы 90 келіге дейінгі салмақта бақ сынауда. Алғашқы айналымда ол ағылшын спортшысы Исаак Окомен күш сынасты. Қарсылас бірінші раундта үстемдік көрсеткенімен, Сағындық жекпе-жек соңына қарай басымдыққа ие болып, 3:2 есебімен жеңіске жетті.
Енді Сағындық Тоғамбай келесі кезеңде ирландиялық Джек Марлеймен жұдырықтасады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
