Әлем чемпионатындағы қазақстандық боксшылардың алғашқы қарсыластары анықталды
Фото: НОК РК
Англияның Ливерпуль қаласында 2025 жылғы бокстан әлем чемпионатының алғашқы жекпе-жектеріне арналған жеребе тарту рәсімі өтті, деп хабарлайды Pin-UpSport.kz.
World Boxing ұйымының тарихтағы алғашқы әлем чемпионатында Қазақстан намысын 20 спортшы қорғайды: 10 ер және 10 әйел боксшы. Әйелдер арасында Назым Қызайбай (48 кг) алғашқы кездесуін Лам (Гонконг) – Сжелецки (Венгрия) жекпе-жегінің жеңімпазымен өткізеді. Алуа Балкибекова (51 кг) Мун (Оңтүстік Корея) – Мансури (Алжир) арасындағы жеңімпазбен кездеседі. Надежда Рябец (75 кг) қытайлық Вангқа қарсы шығады, ал Елдана Талипова (80 кг-нан жоғары) Англиялық Бакл немесе Жаңа Зеландиядан келген Ле-Локпен кездеседі.
Ерлер құрамасында Санжар Ташкенбай (50 кг) Йорданиялық Ешиш – Ирландиялық Руни жұбының жеңімпазымен жұдырықтасады. Махмуд Сабырхан (55 кг) мексикалық Ортис немесе бельгиялық Мохаммадимен кездеседі. Бекзат Нұрдәулетов (85 кг) грузиялық Кушиташвили немесе хорватиялық Лескурдың біріне қарсы шығады. Айбек Оралбай (90 кг-нан жоғары) түркімен Исламов не түркиялық Ильяспен жұдырықтасуы мүмкін.
Әлем чемпионаты 4-14 қыркүйек аралығында өтеді.
