Жәнібек Әлімханұлы әлемнің ең қауіпті қарсыластарының бірі аталды
Жанибек Алимханулыж. Фото: Getty Images
Орта салмақта WBO және IBF чемпиондық белбеулерінің иегері Жәнібек Әлімханұлы америкалық басылым жасаған тізімге еніп, қарсыластары ең көп қашатын боксшы деп танылды, деп хабарлайды Pin-UpSport.kz.
«Қазақ стилі» лақап атымен танылған отандасымызды сарапшылар орта салмақтағы нағыз «қорқыныш» деп сипаттады. Тіпті жарияланған материалда оның суреті алғашқы қатарда тұрғаны — боксшылардың Жәнібектен қашқақтайтынын тағы бір дәлелдейді.
Мақалада негізгі назар WBC чемпионы Карлос Адамеске аударылған. Сарапшылардың пікірінше, доминикандық боксшы Жәнібекпен жекпе-жекке шығудан жалтарып келеді, қанша рет шақырса да келісім бермеген.
Сонымен қатар Адамес міндетті қарсылас саналатын тағы бір қазақстандық боксшымен — Мейірім Нұрсұлтановпен де кездесуден бас тартты. Жекпе-жек жазда өтуі керек болған, бірақ жүзеге аспады. Бұл жағдай оның белбеуді тәуекелге тігіп, нағыз қарсыластармен айқасудан жалтарғысы келетінін айқындай түсті.
