Жәнібек Әлімханұлы Адамеске тағы да ашық сес көрсетті
Фото: janibek_alimkhanuly/Instagram
Орта салмақта WBO және IBF белбеулерінің иегері Жәнібек Әлімханұлы (17-0, 12 КО) Карлос Адамеске (24-1-1, 18 КО) қарсы кезекті мәлімдемесін жасады, деп хабарлайды Pin-UpSport.kz.
Доминикандық боксшы әлеуметтік желіде 2021 жылы украиналық Сергей Деревянченкомен жекпе-жектен кейінгі суретті жариялаған. Бұған жауап ретінде Әлімханұлы: «Өткенмен өмір сүруді қой! Егер менімен кездесуге келіскенде, бұл фотоның орнында екеуміздің жекпе-жек афишамыз болар еді! Қорқақ!» – деп жазды.
Айта кетейік, Адамес – WBC нұсқасы бойынша әлем чемпионы. Екі боксшы арасындағы біріккен титулдық жекпе-жек туралы келіссөздер әлі нақты шешімін тапқан жоқ.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
