Данияр Елеусінов болашағынан үміт күтетін боксшыларды атады
Олимпиада чемпионы әрі кәсіби рингте жеңіліп көрмеген Данияр Елеусінов қазақстандық жас боксшылар туралы пікір білдірді, деп хабарлайды Pin-UpSport.kz.
– Бізде дарынды жастар өте көп. Өз басым Санжар Тәшкенбай, Сабырхановтар бауырлары, Оралбай мен жерлесім Даниял Сабитке үлкен үміт артамын. Біреуді бөліп-жарып айтқым келмейді. Сонымен қатар, Сабыржан Аққалықов пен Аблайхан Жүсіповке де сенім зор, – деді боксшы «1 Бол» берген сұхбатында.
Сондай-ақ Данияр Сабыржан Аққалықов пен Аблайхан Жүсіповтің де болашағынан зор нәтиже күтетінін айтып өтті. Елеусінов олардың ешқайсысын бөліп-жарғысы келмейтінін, барлығы да ел намысын абыроймен қорғай алатын мықтылар екенін жеткізді.
Айта кетейік, Данияр Елеусінов — бокстан Олимпиада алтынын жеңіп алған Қазақстанның соңғы чемпионы. Ол 2016 жылы Рио-де-Жанейрода өткен Олимпиадада топ жарған.
