Қазақстандық боксшылар WBA рейтингіндегі орындарын сақтап қалды
Бек Нурмаганбет Фото: Getty Images
Шілде айының қорытындысы бойынша WBA жаңартылған рейтинг тізімін жариялады. Қазақстандық бірқатар былғары қолғап шеберлері өз салмақтарындағы орындарын сақтап қалды немесе жаңа позицияға жайғасты, деп хабарлайды Pin-UpSport.kz.
Екінші орта салмақта өнер көрсететін Бек Нұрмағанбет 9-орыннан 11-сатыға төмендеді. Жартылай орта салмақ дәрежесінде Руслан Мәдіев рейтингке қайта оралып, 13-орынға тұрақтады. Ол WBA Asia белбеуінің иегері. Бірінші жартылай орта салмақта Батыр Жүкембаев 14-орынды сақтап қалды. Ал дәл осы салмақта WBA Gold титулы бар Жанқош Тұраров алғашқы он бестікке кірмеді.
Екінші жеңіл салмақта Сұлтан Заурбек әлі де рейтингтегі 2-орында. Бұл дивизионда көш бастап тұрған – ресейлік Эльнұр Самедов. Әлем чемпионы атағы америкалық Лэймонт Роуч-джуниорға тиесілі. Ал Ельшат Нығметолла (жеңіл салмақ) 9-орынды сақтап қалды. Ол да – WBA Asia белбеуінің иегері.
