Нокаутпен аяқталған жекпе-жек: Елеусінов қарсыласын екінші раундта ұтты
Фото: x.com
АҚШ астанасы Вашингтонда қазақстандық кәсіпқой боксшы Данияр Елеусінов америкалық Джеймс Бэйконмен сегіз раундқа жоспарланған жекпе-жекке шықты, деп хабарлайды Pin-UpSport.kz.
Алайда кездесу соңына дейін жалғасқан жоқ — екінші раундта Данияр денеге жасаған дәл соққысымен қарсыласын нокдаунға түсіріп, кездесуді мерзімінен бұрын аяқтады.
Бұл жеңіс Елеусіновтің кәсіби мансабындағы 13-ші жеңісі атанды. Соның сегізінде ол қарсыласын нокаутпен ұтқан. Данияр жекпе-жек барысында толық басымдық танытып, рингте сенімді қимылдады.
Ал Джеймс Бэйкон үшін бұл — мансабындағы алтыншы жеңіліс. Бұған дейін ол 26 рет жеңіске жеткен. Бұл нәтиже Елеусіновтің кәсіби бокстағы мүмкіндігі жоғары екенін тағы бір мәрте көрсетті.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
