Мейвезер мен Пакьяо 10 жылдан кейін қайта кездесуі мүмкін
Мэнни Пакьяо. Фото: Getty Images
АҚШ пен Филиппин боксының аңызға айналған есімдері — Флойд Мейвезер мен Мэнни Пакьяо он жыл бұрынғы тарихи жекпе-жектен кейін тағы да рингте жолығуы мүмкін, деп хабарлайды Pin-UpSport.kz.
BoxingScene журналисі Лэнг Пагмайрдың мәліметінше, қос тарап келіссөз жүргізіп жатыр. Бұл ақпаратты Лас-Вегастағы Мейвезерге тиесілі жаттығу залында растаған. Сонымен қатар, Флойд алдағы уақытта Пакьяоның жекпе-жегіне қатысады деген болжам айтылып отыр.
Еске салайық, қос боксшының алғашқы кездесуі 2015 жылы өткен болатын. Ол бокс тарихындағы ең табысты шоуға айналып, Мейвезер төрешілер шешімімен жеңіске жеткен. Қазір 46 жастағы Пакьяо қайта шаршы алаңға оралды. Ол 19 шілдеде WBC белбеуінің иегері Марио Барриоспен кездеседі. Бұл айқас оның Мейвезерге қарсы екінші рет шығуына жол ашуы мүмкін.
