Бокстан Қазақстан құрамасы әлем чемпионатына баратын спортшыларды анықтады
Бокстан Қазақстан ұлттық құрамасының бапкерлері 2025 жылы өтетін әлем чемпионатына қатысатын боксшылардың алдын ала тізімін жасақтады, деп хабарлайды Pin-UpSport.kz.
Құрамға негізінен Астанада өткен әлем кубогының жеңімпаздары енді.
Бас бапкер Қайрат Сатжановтың айтуынша, өз салмағында бірінші орын алған спортшылардың көпшілігі Ливерпульде ел намысын қорғайды. Олардың қатарында Санжар Тәшкенбай (50 кг), Махмұд Сабырхан (55 кг), Сабыржан Аққалықов (75 кг), Бекзад Нұрдәулетов (85 кг) және Айбек Оралбай (90+ кг) бар.
Сондай-ақ, күміс жүлде иегері Нұрбек Оралбай (80 кг) мен қола медаль алған Ертуған Зейнуллинов (65 кг) және Сағындық Тоғамбайдың (90 кг) да кандидатуралары қаралып жатыр. Соңғы шешім дайындық жиындары мен ішкі жарыстардан кейін белгілі болады.
