Алуа Балқыбекова бокстан Әлем кубогының күміс жүлдегері атанды
Алуа Балкибекова
Бокстан Қазақстан әйелдер құрамасының сапында өнер көрсететін Алуа Балқыбекова елордада өтіп жатқан Әлем кубогы кезеңінің финалында жеңіліп қалды.
Алуа Балқыбекова 51 келіге дейінгі салмақта ел намысын қорғады. Ол финалдық кезеңде Финляндия боксшысы Пихла Кайво-Оямен өзара мықтыны анықтады.
Жекпе-жек тең дәрежеде өтті. Дегенмен, төрешілердің шешімі бойынша Финляндия боксшысы алтын жүлдегер атанды.
Осылайша, Алуа Балқыбекова Қазақстан құрамасының қоржынына екінші күміс медальді салды. Бұған дейін, Нұрбек Оралбай (80 келіге дейін) екінші нәтиже көрсеткен болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
