Санжар Ташкенбай әлем Кубогының финалына жолдама алды
Қазақстан намысын қорғайтын Санжар Ташкенбай Астанада өтіп жатқан Әлем кубогының жартылай финалында жеңіске жетіп, финалға жолдама алды, деп хабарлайды Pin-UpSport.kz.
Санжар бұл кезеңде Әзербайжан боксшысы Субхан Мамедовпен кездесіп, жекпе-жекті толық өз бақылауында ұстады. Қарсыласына еш мүмкіндік бермей, сенімді жеңіске жетті.
6 шілдеде өтетін финалда Ташкенбай алтын медаль үшін шаршы алаңға шығады.
Айта кетейік, бұған дейін Елдана Талипова (80 келіден жоғары), Нұрбек Оралбай (80 келіге дейін), Назым Қызайбай (48 келіге дейін), Виктория Графеева (60 келіге дейін) және Наталья Богданова (70 келіге дейін) да финалға шыққан болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
