Месси Сауд Арабиясына көшуі мүмкін
Фото: AMA
Лионель Месси мансабын Сауд Арабиясында жалғастыруды шындап ойластырып жүр, деп хабарлайды Pin-Upsport.kz.
Инсайдер Саша Тавольеридің мәліметінше, ол қазіргі кезде Махд футбол академиясының директоры Абдулла Хамадпен және Сауд Про-лигасының өкілдерімен тұрақты байланыста.
Ақпарат көздері келіссөздер аяқталуға жақын екенін айтады. Ал нақты шешімді Месси өзі қабылдайды, оған ешкім қысым жасамайды. Сондай-ақ аргентиналық футболшы Эр-Риядтағы өмір сапасына – мектептерден бастап тұрғын үйлерге дейін – оң баға берген.
Қазіргі таңда ол МЛС-тің «Интер Майами» клубында ойнап жүр. Бұған дейін «Барселона» мен ПСЖ сапында өнер көрсетті. Ал футболдағы алғашқы қадамын «Ньюэллс Олд Бойзда» бастаған. 2022 жылы Месси Аргентинаны Катардағы әлем чемпионатында жеңіске жеткізді.
Айбар Рысдаулет
Клубтар арасындағы әлем чемпионатында плей-оффқа шыққан 12 команда анықталды
«Спартак» Зайнутдиновты 4 млн еуроға сатып алуы мүмкін