Бурабайдағы триатлоннан Азия кубогында қазақстандықтар топ жарды
Фото: Olympic.kz
Бурабайда триатлоннан Азия кубогының кезеңі өтті, деп хабарлайды Pin-Upsport.kz.
Бұл жарысқа Қазақстан, Германия, Оңтүстік Корея, Жапония, Чехия және өзге елдерден 120-дан аса спортшы қатысты. Турнир World Triathlon ұйымының күнтізбесіне енген және Азия мен әлем чемпионаттарына дайындықтағы маңызды кезең саналады.
Элита санатындағы ерлер бәсекесінде Дарын Қонысбаев үздік шықты. Ол барлық қашықтықты 1 сағат 46 минут 28 секундта бағындырды. Күміс жүлде ресейлік Роман Миневке бұйырса, қола неміс атлеті Тилль Крампқа тиді.
Қыздар арасындағы жасөспірімдер жарысында Диана Ержанова чемпион атанды (1:08:20). Екінші орынды өзбекстандық Диана Биктимирова иеленді. Ал Анель Исабаева 1:10:54 нәтижесімен үшінші орыннан көрінді. Жасөспірім ұлдар сайысында үш жүлдені де қазақстандықтар қанжығалады: Елмурат Қанай – алтын, Илья Крупяков – күміс, Рамазан Айнегов – қола.
