Қазақстан клубтары Еуропа рейтингінде қай сатыда тұр?
«Астана» — «Тобол». Фото: Пресс-служба ФК «Астана»
УЕФА жаңартқан клубтық рейтингінде Қазақстанның екі командасы алғашқы 200-дікке кірді. Ең жоғары орында елордалық «Астана» тұр. Команда 12.000 ұпай жинап, 134-сатыға жайғасқан.
«Тобыл» 8.000 көрсеткішімен 183-орынға тұрақтады. Ал қалған қазақстандық клубтар үздік екі жүздікке ене алған жоқ.
«Қайрат» 266-орында (5.500), «Ордабасы» — 306 (4.500), «Ақтөбе» — 352 (3.000), «Шахтер» — 376 (2.500), «Қызылжар» мен «Қайсар» 2.225 ұпаймен 387 және 388-сатыларды бөлісіп тұр.
2025/2026 жылғы маусымда Қазақстаннан Еуропа алаңына төрт клуб қатысады. Ел чемпионы «Қайрат» Чемпиондар лигасын, ал «Ақтөбе» Еуропа лигасын бірінші іріктеу кезеңінен бастайды. «Астана» Конференция лигасының екінші кезеңінен қосылады. «Ордабасы» сол турнирдің алғашқы раундыннан ойнайды.
Айбар Рысдаулет
Сауд Арабиясына Роналдудың артынан Месси келуі мүмкін
Бублик «Ролан Гарроста» алғаш рет ширек финалға шықты