Данияр Елеусінов Канело – Кроуфорд жекпе-жегінің андеркартында шаршы алаңға шығуы мүмкін
Фото: Getty Images
Қазақстандық Олимпиада чемпионы Данияр Елеусиновтың менеджері Зия Алиев оның алдағы жоспарларын бөлісті. Айтуынша, шілде айында АҚШ-та жеңіл жекпе-жек өткізбек. Ал қыркүйекте әйгілі Канело мен Кроуфорд кездесетін бокс кешінің андеркартында жұдырықтасуы ықтимал.
Бұл жекпе-жек Даниярдың TKO Boxing лигасындағы алғашқы қадамы болмақ. Жаңа ұйымды UFC президенті Дана Уайт бастаған. Жобаға боксқа қаржылай қолдау көрсетіп жүрген Турки әл Әш-Шейх те атсалысуда. Елеусиновпен толыққанды келісімшарт жасалған. Оның ішінде бонус пен рейтинг те қарастырылған. Лиганың өз чемпиондық белбеуі болады және UFC стилінде дамытылады. Қазірдің өзінде 130-ға жуық спортшы тіркелген.
Сонымен қатар, Данияр TKO-дан тыс та жекпе-жек өткізе алады. Егер Riyadh Season тарапынан ұсыныс түссе, Джарон Эннис не Шахрам Ғиясов сынды мықтылармен кездесу өткізуге мүмкіндік бар. Айта кетейік, Елеусинов 2016 жылғы Олимпиада чемпионы және WBC Peace белбеуінің иегері. Бұл титулды ол 2024 жылдың қыркүйегінде филиппиндік Джо Нойнайды бесінші раундта техникалық нокаутпен жеңіп алғаннан кейін иеленген.
Айбар Рысдаулет
Джиу-джитсудан Азия чемпионатында Қазақстанның мерейі үстем болды
Асылжан Бақытжанұлы АСА-ға қайта оралды