«Қайрат» Чемпиондар лигасының финалында тағы да сүрінді
Эдсон, "Кайрат". Фото: UEFA via Getty Images
4 мамырдан 5-іне қараған түні футзалдан Чемпиондар лигасының финалдық ойыны өтті. Алматының «Қайраты» Испанияның «Пальмасымен» кездесіп, өкінішке қарай, тағы да шешуші сында есе жіберді.
Алғашқы таймда тартысты ойын өрбіді: тоғызыншы минутта екі команда да бір-бір голдан соқты. Бірақ тайм соңына қарай испандықтар басым түсіп, 19-минутта екі голдың авторы атанды.
Екінші тайм бастала сала «Қайрат» бесінші ойыншысын қосты, алайда бұл шешім сәтсіз болды – Фабиньо қарсылас қақпасына бірінен соң бірі төрт гол соқты. Одан кейін Негиньо мен Матеус Майя да мергендік танытып, есепті ұлғайтты. Матч соңында Турсагұлов, Рашит пен Арриета үш гол соғып, есеп айырмасын қысқартқанымен, жеңілістен құтқара алмады.
Қорытынды есеп – 9:4. Осылайша, «Пальма» үшінші рет қатарынан Чемпиондар лигасының жеңімпазы атанды, ал «Қайрат» екінші финалында да күміс жүлдемен шектелді.
