«Кайрат» тарих жазуға жақын: Чемпиондар лигасының үшінші кубогы қол созым жерде
Фото: Новое Поколение
Алматылық «Кайрат» футзалдан Чемпиондар лигасы финалына жолдама алып, енді тарихқа енуге бір қадам қалды. Команда финалда Испанияның «Пальма» клубымен кездеседі. Егер жеңіске жетсе, «Кайрат» Испаниядан тыс алғаш болып турнирде үш мәрте топ жарған клуб атанбақ.
Бұған дейін «Кайрат» бұл кубокты 2012/13 және 2014/15 маусымдарында жеңіп алған еді. Енді Марлон Веласко баптайтын ұжым үшінші рет кубокты қанжығасына байлауға дайындалып жатыр. Финал 4 мамыр күні Францияның Ле-Ман қаласында өтеді.
Жартылай финалда «Картахена» клубын жеңген соң, Веласко ойыншылардың жанкештілігін атап өтіп, олардың ойынын дерлік мінсіз деп бағалады. Сол күні үшінші орын үшін матчта «Картахена» мен «Спортинг» кездеседі.
Айта кетейік, «Спортинг» сапында бұрынғы «Кайрат» пен Қазақстан құрамасының ойыншысы Тайнан өнер көрсетеді.
Айбар Рысдаулет
«Қайрат» Жезқазғанда жеңіске жетті: Сатпаев дубль жасап, командасы басым түсті
Армат Арманұлы Таиландта қарсыласын тағы нокаутпен ұтты