Асанәлі Сәркенов NHL драфтына таңдалуы мүмкін
Асанали Саркенов. Фото: cehockey
Қазақстандық шабуылшы Асанәлі Сәркеновті биылғы NHL драфтында таңдап алуы әбден мүмкін. Бұл туралы Ұлттық хоккей лигасының Орталық скауттық бюросы жариялады. Сарапшылардың болжамынша, ол 217-нөмірмен таңдалуы ықтимал.
18 жастағы хоккейші осы маусымда Солтүстік Америкадағы WHL лигасының «Спокан Чифс» командасында 52 ойын өткізіп, 27 (10+17) ұпай жинаған. Плей-офф кезеңінде тағы 8 матч өткізіп, 5 (2+3) ұпаймен көзге түсті.
Сәркенов өткен жылы Оттавада өткен жастар арасындағы әлем чемпионатында үш ойынға қатысып, бір шайба соқты. Бұған дейін, 2023 жылғы жасөспірімдер арасындағы әлем чемпионатында Канада қақпасына хет-трик жасаған болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
