Бек Нұрмағанбет Сан-Диегода жұдырықтасады
Бек Нурмаганбет. Фото: Getty Images
Жеңілмеген қазақстандық боксшы Бек Нұрмағанбет (14-0, 12 KO) келесі жекпе-жегін АҚШ-та өткізеді. BoxRec порталының мәліметінше, жекпе-жек 24 мамыр күні Калифорния штатының Сан-Диего қаласында өтеді.
Қарсыласының есімі әзірге жарияланған жоқ. Бірақ Бек бұл кездесуге дайындықты бастап кеткен. Бұл жекпе-жек оның халықаралық аренадағы жолында тағы бір маңызды қадам болмақ.
Айта кетейік, Бек соңғы рет 6 сәуірде Филадельфияда жұдырықтасып, коста-рикалық Энкарнасьон Диасты (20-6, 11 KO) бірінші раундта техникалық нокаутпен жеңіп кеткен еді.
Бұған дейін ол әлемдік деңгейдегі жұлдыз Сауль «Канело» Альвареспен бір лагерьде жаттығып, спарринг өткізген. Бұл жолы да жоғары дайындық күтіліп отыр.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
