Макгрегор октагонға оралатынын мәлімдеді
Конор Макгрегор
UFC-дің бұрынғы екі салмақ дәрежесіндегі чемпионы Конор Макгрегор октагонға қайта оралуы мүмкін екенін айтты. Айтуынша, келісімшарт бойынша әлі екі жекпе-жегі бар және бұл бағытта келіссөздер жүріп жатыр.
BKFC баспасөз жиынында Макгрегор өткен аптада Ақ үйде болғанын айтып, сол сәт өзіне қатты әсер еткенін жеткізді. Ол қазіргі таңда еліндегі жағдайға алаңдайтынын жасырмады.
«Қазірге дейін жеткен жетістігіме ризамын. Бірақ ішімде әлі де бір дүние қалып қойғанын сезем. Бұл – менің ішкі мақсатым. Соған жеткім келеді», – деді Конор нақты жекпе-жек жайлы ашып айтпастан.
Айта кетейік, Макгрегор соңғы рет октагонға 2021 жылдың жазында шыққан. Ол кезде америкалық Дастин Порьемен айқасып, аяғын сындырып, техникалық жеңіліске ұшыраған еді.
