Кәсіпқой клубтарға шектеу қойылады: бюджеттен қаржыландыру қысқарады, легионерлерге тыйым салынады
Зарплата в футболе
Қазақстан Үкіметі кәсіпқой спорт клубтарын бюджеттен қаржыландыруға шектеу қоюды көздейтін заң жобасын қарастырып жатыр. Бұл туралы Мәдениет және спорт вице-министрі Серік Жарасбаев ОКҚ алаңында өткен брифингте мәлімдеді, деп жазады Orda.kz.
Оның айтуынша, енді футбол, хоккей және өзге де командалық спорт түрлеріне бөлінетін мемлекеттік қаржы нақты лимитпен белгіленбек. Сонымен қатар, спортшылардың жалақысына да шектеу енгізіледі. «Бүгінде кейбір ойыншылар шектен тыс, негізсіз жоғары жалақы алады. Осы жағдайды бақылауға аламыз», — деді вице-министр.
Жаңа заң жобасында легионерлерге бюджет есебінен жалақы төлеуге тыйым салу қарастырылған. Заң қабылданғаннан кейін шетелдік ойыншыларды тек демеушілер немесе өзге де бюджеттен тыс көздер арқылы ғана қаржыландыруға рұқсат беріледі.
Жарасбаевтың айтуынша, үнемделген қаражат бұқаралық балалар мен жасөспірімдер спортын дамытуға бағытталады. Қазіргі таңда заң жобасы Сенатта қаралып жатыр.
Айбар Рысдаулет
«Атырау» клубының жаңа бас менеджері тағайындалды
Алтынсыз өткен Азия чемпионаты: қазақ балуандары төрт медальмен оралды