WBO Жәнібек Әлімханұлының титулдық жекпе-жегін ресми растады
Жанибек Алимханулы. Фото: janibek_alimkhanuly/Instagram
Дүниежүзілік бокс ұйымы (WBO) қазақстандық Жәнібек Әлімханұлы (17-0, 12 KO) мен жеңіліс көрмеген дат боксшысы Якоб Банк (20-0, 11 KO) арасында екінші орта салмақтағы бос әлем чемпионы атағы үшін өтетін жекпе-жекті ресми түрде растады, деп хабарлайды Pin-UpSport.kz.
«Келісім жасалды. Әлімханұлы мен Банк WBO нұсқасы бойынша екінші орта салмақтағы бос әлем чемпионы атағы үшін жұдырықтасады! Бұл қарсыластар текетіресінен не күтуге болады?» – делінген ұйымның X әлеуметтік желісіндегі жазбасында.
Бұған дейін WBO боксшылардың командаларына жекпе-жекті өткізу жөнінде келісімге келу үшін 7 қазанға дейін уақыт берген болатын. Тараптар белгіленген мерзімде ортақ шешімге келді.
Чемпиондық белбеу британдық боксшы Хамза Шираз Әлімханұлына қарсы титулды қорғаудан бас тартып, белбеуден бас тартқаннан кейін бос қалған еді.
