Алуа Балкибекова Азия ойындарын жеңіспен бастады
Әлемнің екі дүркін чемпионы Алуа Балкибекова Жапонияда өтіп жатқан 2026 жылғы Азия ойындарындағы алғашқы жекпе-жегін жеңіспен аяқтады, деп хабарлайды Pin-UpSport.kz. Қазақстандық боксшы 51 келіге дейінгі салмақта Үндістан өкілі Сакши Чаудхариді жеңді.
Кездесу 1/8 финал кезеңінде өтті. Үш раундтың қорытындысы бойынша төрешілердің бөлінген шешімімен Балкибекова 3:2 есебімен жеңіске жетті. Осылайша қазақстандық спортшы ширек финалға жолдама алып, Азия ойындарындағы жүлде үшін күресін жалғастырады.
Балкибекованың ширек финалдағы қарсыласы Жапония өкілі Юна Нисинака болады. Олар 51 келіге дейінгі салмақтағы жарыстың ширек финалында кездеседі. 2026 жылғы Азия ойындарында Қазақстан боксшылары барлық 11 салмақ дәрежесінде – ерлер арасындағы алты және әйелдер арасындағы бес салмақта өнер көрсетіп жатыр.
Әйелдер құрамасында сонымен қатар 54 келіге дейінгі салмақта Назым Қызайбай, 60 келіде Виктория Графеева, 65 келіде Аида Әбікеева және 75 келіде Наталья Богданова бар. Графеева алғашқы жекпе-жегін Париж Олимпиадасының чемпионы, Тайбэй өкілі Линь Юй-Тинге қарсы өткізеді. Қызайбай Қытай боксшысы Сюй Чжаомен кездессе, Әбікеева мен Богданова жарысты ширек финалдан бастайды. Жапониядағы Азия ойындарының бокс турнирі 21 қыркүйек пен 2 қазан аралығында өтеді.
