Мейірім Нұрсұлтанов пен Хесус Рамос титулдық жекпе-жек алдында соңғы көзқарас дуэлін өткізді
Жеңіліс көрмеген қазақстандық боксшы Мейірім Нұрсұлтанов пен америкалық Хесус Рамос титулдық жекпе-жек алдында соңғы көзқарас дуелін өткізді. Қос боксшының кездесуі 20 қыркүйек күні таңертең АҚШ-тың Калифорния штатындағы Сан-Диего қаласында өтеді. Бұл айқаста Рамос WBC нұсқасы бойынша орта салмақтағы уақытша әлем чемпионы атағын қорғайды, деп хабарлайды Pin-UpSport.kz.
Мейірім Нұрсұлтанов кәсіпқой рингте әзірге жеңілген жоқ. Қазақстандық боксшы өткізген 20 жекпе-жектің барлығында жеңіске жетіп, оның 11-ін нокаутпен аяқтаған. Ал Хесус Рамостың кәсіби рекорды 24 жеңіс пен бір жеңілістен тұрады. Америкалық боксшы 19 кездесуді мерзімінен бұрын аяқтаған. Алдағы жекпе-жек екі спортшы үшін де чемпиондық белбеуге таластағы маңызды кезең болмақ.
Нұрсұлтанов пен Рамос арасындағы жекпе-жек Сан-Диегодағы бокс кешінің басты кездесулерінің бірі болады. Кештің негізгі айқасында Исаак Крус пен Нестор Браво жұдырықтасып, WBC нұсқасы бойынша бірінші жартылай орта салмақтағы уақытша чемпиондық титулды сарапқа салады. Ал орта салмақтағы кездесудің нәтижесі боксшылардың чемпиондық белбеу үшін алдағы мүмкіндіктеріне әсер етеді.
Нұрсұлтанов пен Рамос жекпе-жегінің жеңімпазы WBC нұсқасы бойынша орта салмақтағы негізгі чемпиондық титулға міндетті үміткер атанады. Қазіргі таңда бұл белбеу доминикандық Карлос Адамеске тиесілі. Сонымен қатар алдағы айқас Мейірім Нұрсұлтанов үшін ұзақ үзілістен кейінгі рингке қайта оралу жекпе-жегі болмақ. Қазақстандық боксшы үш жылға жуық уақыт бойы жекпе-жек өткізген жоқ. Ол соңғы кездесуін 2023 жылдың 17 қарашасында Ташкентте өткізіп, чилилік Хулио Аламосты төрешілердің бірауызды шешімімен жеңген еді.
