Қазақстандық теннисші Қытайдағы ITF турнирінің жеңімпазы атанды
Қазақстандық теннисші Григорий Ломакин Қытайдың Мааньшань қаласында өткен ITF M15 турнирінің жеңімпазы атанды, деп хабарлайды Pin-UpSport.kz. Ол жұптық сында аустралиялық Джошуа Чарльтонмен бірге чемпиондық атақты жеңіп алды.
Ломакин мен Чарльтон турнир барысында финалға дейін сәтті жетті. Айта кетерлігі, олардың жартылай финалдағы кездесуі өткен жоқ. Себебі қытайлық Дун Чжэньсюн мен Ван Аожань жұбы матч басталғанға дейін жарыстан шығып қалды.
Финалда қазақстандық-аустралиялық жұп оңтүстіккореялық Чо Сын У мен қытайлық Ян Цзыцзянға қарсы ойнады. Тартысты өткен матч үш сетке созылып, Ломакин мен Чарльтонның 6:4, 4:6, 10:7 есебіндегі жеңісімен аяқталды. Осылайша олар турнирдің чемпиондық трофейін иеленді.
Бұл Григорий Ломакиннің ITF турнирлеріндегі 32-ші чемпиондық атағы болды. Мааньшань қаласындағы ITF M15 турнирі 15 маусымда басталды, ал жарыстың жүлде қоры 15 мың АҚШ долларын құрады. Қазіргі таңда қазақстандық теннисші ATP рейтингінде жекелей сында 888-орында, ал жұптық сында 347-орында тұр.
