Асу Алмабаев UFC-дегі жекпе-жекке дайындықтың соңғы кезеңін бастады
Фото: Zuffa LLC
Қазақстандық UFC файтері Асу Алмабаев командасымен бірге Әзербайжанға барып, алдағы жекпе-жекке дайындықтың шешуші кезеңін бастады, деп хабарлайды Pin-UpSport.kz.
Жаттығу жиынының басталғанын спортшының Dar Team командасы мәлімдеді.
«Дәл осы жерде дайындықтың соңғы әрі ең маңызды кезеңі өтеді. Асуға 27 маусымдағы жекпе-жекке тыңғылықты дайындалып, октагонға ең үздік бабында шығуын тілейміз», – делінген хабарламада.
Алмабаевтың келесі кездесуі 27 маусым күні Әзербайжан астанасында өтетін UFC Fight Night 280 турнирінде болады.
Қазақстандық спортшының қарсыласы аса жеңіл салмақта өнер көрсететін америкалық Чарльз Джонсон болады. Қазіргі таңда Асу дивизион рейтингінде сегізінші орында тұрса, америкалық файтер 14-сатыда орналасқан.
Алмабаевтың кәсіпқой ММА-дегі көрсеткіші – 23 жеңіс және үш жеңіліс. Ал Джонсонның еншісінде 19 жеңіс пен сегіз жеңіліс бар.
Айбар Рысдаулет
Жәнібек Әлімханұлының ықтимал қарсыласы өз шешімін жариялады
Шон Стрикленд Ақ үйдегі UFC турниріне қатыса алмайтынын мәлімдеді