Еркебұлан Тоқтар Джейк Полдың лигасында өнер көрсетуі мүмкін
Еркебулан Токтар
Қазақстандық ММА файтері және актер Еркебұлан Тоқтар Джейк Пол негізін қалаған Most Valuable Promotions ұйымымен келіссөздер жүргізіліп жатқанын айтты, деп хабарлайды Pin-UpSport.kz.
Спортшының сөзінше, америкалық блогер әрі боксшы құрған промоушенде өнер көрсету мүмкіндігі бар.
«Қазір Джейк Полдың бокс лигасы қарастырылып жатыр. Zuffa Boxing-та өнер көрсете алмаймын, бірақ MVP ұйымында жекпе-жек өткізу ықтималдығы бар. Қазірдің өзінде келіссөздер жүріп жатыр», – деді Тоқтар Әмір Тәжібаевқа берген сұхбатында.
Most Valuable Promotions ұйымын Джейк Пол 2021 жылы құрған. Промоушен кәсіпқой бокс кештерін ұйымдастырып, спортшыларды медиа платформалар арқылы кеңінен насихаттайды.
Еркебұлан Тоқтар кәсіби ММА мансабын 2021 жылы Octagon лигасында бастаған. 2025 жылдың ақпанында ол Octagon 70 турнирінде BMF белбеуін жеңіп алып, Орталық Азия тарихындағы алғашқы осы титулдың иегері атанды.
Қазақстандық спортшы соңғы жекпе-жегін наурыз айында Ереванда өткен Hype Fighting турнирінде өткізді. Ол Марсель Нұрланбек уулуна төрешілердің бірауызды шешімімен жол берді. Бұл Тоқтар үшін соңғы үш жылдағы алғашқы жеңіліс болды.
