Соня Жиенбаева Қытайдағы турнирдің келесі кезеңіне өтті
Фото: ФТК
Қазақстандық теннисші Соня Жиенбаева Қытайдың Унинь қаласында өтіп жатқан ITF W50 санатындағы турнирді сәтті бастады, деп хабарлайды Pin-UpSport.kz.
Жарыстың алғашқы айналымында әлемдік рейтингте 1037-орында тұрған қазақстандық спортшы ресейлік Александра Шубладземен кездесті. Оның WTA рейтингіндегі орны – 206.
Кездесудің алғашқы сетінде ресейлік теннисші 6:4 есебімен жеңіске жетті. Алайда екінші партия барысында Шубладзе матчты жалғастырудан бас тартып, жарысты мерзімінен бұрын аяқтады.
Осының арқасында Соня Жиенбаева турнирдің 1/8 финалына жолдама алды.
Келесі кезеңде қазақстандық теннисші тағы бір ресейлік спортшы – әлемдік рейтингтің 371-сатысында тұрған Варвара Паншинамен кездеседі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
