Ризабек Айтмұхан әлемдегі үздік балуан атанды
Қазақстандық еркін күрес шебері Ризабек Айтмұхан жастар арасындағы Азия чемпионатындағы жеңісті өнерінен кейін United World Wrestling (UWW) ұйымының жоғары бағасына ие болды, деп хабарлайды Pin-UpSport.kz.
Халықаралық ұйым қазақстандық спортшыны мамыр айының қорытындысы бойынша еркін күрестегі үздік балуан деп таныды.
Ризабек бұл марапатқа Вьетнамда өткен 23 жасқа дейінгі спортшылар арасындағы Азия чемпионатында топ жарғаннан кейін ие болды. Ол 125 келіге дейінгі салмақ дәрежесінде алтын медаль жеңіп алды.
Чемпиондық жолында Айтмұхан Қырғызстан өкілі Жагалан Будашаповты 14:4 есебімен, ал Өзбекстан балуаны Отабек Назирбоевты 11:1 есебімен сенімді түрде жеңді.
Финалда қазақстандық спортшы үндістандық Лакиге еш мүмкіндік бермей, 10:0 есебімен мерзімінен бұрын жеңіске жетіп, құрлық чемпионы атанды.
