Лука Модрич мансабын ӘЧ-2026-дан кейін аяқтайды
Фото: NurPhoto
«Милан» клубының жартылай қорғаушысы Лука Модрич кәсіби мансабын 2026 жылғы әлем чемпионатынан кейін аяқтайды, деп хабарлайды Pin-UpSport.kz.
Журналист әрі инсайдер Николо Скираның мәліметінше, алдағы мундиаль хорватиялық футболшының мансабындағы соңғы ірі турнир болмақ.
Қыркүйек айында Модрич 41 жасқа толады. Бұған дейін тәжірибелі хавбек «Миланмен» келісімшартын ұзартпай, 2026 жылдың жазында клубтан кететіні хабарланған болатын.
Лука Модрич «Милан» сапына 2025 жылдың жазында еркін агент ретінде қосылды. Өткен маусымда хорватиялық футболшы 37 матч өткізіп, екі гол соғып, үш нәтижелі пас берді.
Футболшының «россонеримен» келісімі 2026 жылдың 30 маусымына дейін жарамды. Transfermarkt порталының мәліметі бойынша, ойыншының нарықтық құны шамамен төрт миллион еуроны құрайды.
Модрич мансабында мадридтік «Реал», «Тоттенхэм», загребтік «Динамо», «Интер» Запрешич және «ХСК Зриньски Мостар» клубтарында өнер көрсеткен.
