Бауыржан Исламхан «Қайсарға» ауысуы мүмкін
Фото: ФК Астана
«Астана» мен Қазақстан құрамасының жартылай қорғаушысы Бауыржан Исламхан мансабын қызылордалық «Қайсарда» жалғастыруы мүмкін, деп хабарлайды Pin-UpSport.kz Amanvibe.kz сайтына сілтеме жасап.
Дереккөз мәліметінше, қызылордалық клуб басшылығы 33 жастағы футболшыны жазғы трансферлік кезеңде құрамға қосуды қарастырып отыр.
Сондай-ақ Исламханның ықтимал ауысуы жартылай қорғаушы Айбол Әбікеннің болашағына байланысты екені айтылды. Бұған дейін «Қайсар» ойыншысының шымкенттік «Ордабасыға» ауысуы мүмкін екені хабарланған болатын.
Биылғы ҚПЛ маусымында Бауыржан Исламхан «Астана» сапында он матч өткізіп, үш нәтижелі пас авторы атанды.
«Тараздың» түлегі мансабында «Қайрат», «Ордабасы», «Тұран» және БАӘ-нің «Әл-Айн» клубтарында өнер көрсетті. Сонымен қатар ол ұзақ жылдар бойы Қазақстан құрамасының негізгі ойыншыларының бірі болды.
Айбар Рысдаулет
Софья Самоделкина Мексикадағы мұз шоуына қатысады
Ұлан Қонысбаев төрт жарым жылдан кейін алаңға қайта шықты