Елдос Сметов Испаниядағы жаттығу жиынын бастап, турнирге оралу туралы айтты
Фото: Eurosport
Олимпиада чемпионы Елдос Сметов пен Париж Олимпиадасының қола жүлдегері Гусман Кыргызбаев Испаниядағы оқу-жаттығу жиынын бастады, деп хабарлайды Pin-UpSport.kz.
Қазақстандық дзюдошылар шетелдегі дайындық кезеңін Бенидорм қаласында өткізіп жатыр. Елдос Сметов әлеуметтік желіде мәлімдеме жасап, алғашқы жаттығудың басталғанын және жақын арада ресми жарыстарға оралуы мүмкін екенін айтты.
«Бенидорм қаласында алғашқы жаттығуымызды бастадық. Бұл — шетелдегі оқу-жаттығу жиынымыз. Бұйырса, бабымызға келсек, менің алғашқы турниріме куә боласыздар», — деді Сметов.
Елдос Сметов үшін соңғы ресми жарыс 2024 жылғы Париж Олимпиадасы болып отыр. Сол турнирде қазақстандық дзюдошы тарихи алтын медаль жеңіп алған еді. Одан кейін спортшы ұзақ үзіліс алып, 2026 жылдың наурызында операция жасатып, жарақатынан қалпына келді.
Биыл мамыр айында Сметов Олимпиададан кейін алғаш рет Астанада өткен Qazaqstan Barysy Grand Slam турнирінде татамиге шықты. Алайда ол кезде ресми белдесу емес, ұлы Омарға қарсы шоу-кездесу өткізген болатын.
