Анна Данилина Страсбургтегі турнирдің ширек финалына шықты
Анна Данилина. Фото: Olympic.kz
Қазақстанның жұптық сындағы үздік теннисшісі Анна Данилина Страсбургте өтіп жатқан WTA 500 турнирін сәтті бастады, деп хабарлайды Pin-UpSport.kz. Қазақстандық спортшы ресейлік Екатерина Александровамен бірге өнер көрсетіп жатыр.
1/8 финалда Данилина мен Александрова Қытай өкілдері Синью Янь мен Сюй Ифаньға қарсы ойнады. Тартысты өткен матч тура екі сағатқа созылды.
Қазақстандық-ресейлік жұп үш сет қорытындысы бойынша жеңіске жетті — 7:6 (7:5), 5:7, 10:4. Осы нәтижеден кейін Данилина мен Александрова турнирдің ширек финалына жолдама алды.
Келесі кезеңде олар Эйжа Мухаммад / Фанни Столлар және Эри Ходзуми / Фан-сянь У жұптарының арасындағы матч жеңімпазымен кездеседі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Ислам Чесноковқа «Хартстың» негізгі құрамына ену үшін қандай қасиеттер қажет екені айтылдыКелесі мақала:
Елдос Сметов Испаниядағы жаттығу жиынын бастап, турнирге оралу туралы айтты