Лас-Вегас 2027 жылғы күрес түрлерінен әлем чемпионатын қабылдайды
Біріккен күрес әлемі ұйымы 2027 жылғы күрес түрлерінен өтетін әлем чемпионатының орнын ресми түрде жариялады, деп хабарлайды Pin-UpSport.kz. Әлем біріншілігі АҚШ-тың Лас-Вегас қаласында өтеді.
Турнир 2027 жылдың 11–19 қыркүйегі аралығына жоспарланған. Дәл осы жарыста 2028 жылғы Лос-Анджелес Олимпиадасының алғашқы жолдамалары сарапқа салынады. Әр салмақта жүлдеге ілінген барлық спортшы Олимпиада лицензиясына ие болады.
Сонымен қатар UWW ұйымы 2027 жылғы басқа әлем чемпионаттарының өтетін қалаларын да бекітті. 17 жасқа дейінгі спортшылар арасындағы әлем чемпионаты Амманда өтеді.
20 жасқа дейінгі жастар арасындағы әлем біріншілігін Сербияның Нови-Сад қаласы қабылдайды. Ал 23 жасқа дейінгі спортшылар арасындағы әлем чемпионаты Румынияның Брашов қаласында ұйымдастырылады.
Айбар Рысдаулет
Ғалымжан Кенжебектің голы «Ахматты» жеңілістен құтқарып қалды
«Ахматта» Самородов пен Кенжебектің болашағына қатысты мәлімет айтылды