Жалғас Жұмағұлов екінші титул үшін жекпе-жек өткізеді
Фото: OKTAGON
Қазақстандық файтер Жалғас Жұмағұлов жеңіл салмақта чемпиондық белбеу үшін жекпе-жек өткізу мүмкіндігіне ие болды, деп хабарлайды Pin-UpSport.kz. Оның қазіргі чемпионға қарсы титулдық айқасы ресми түрде бекітілді.
Қазақстандық спортшының қарсыласы осы дивизионның қазіргі чемпионы бразилиялық Игор Северино болады. Жекпе-жек 6 маусым күні Братиславада өтеді, ал бәске ұйымның чемпиондық белбеуі тігіледі.
Қазіргі таңда Жұмағұлов аса жеңіл салмақта чемпион саналады және енді басқа салмақта екінші титулды жеңіп алуға талпынып көрмек. Осылайша, ол екі салмақта чемпион атану мүмкіндігіне ие болып отыр.
Жұмағұлов соңғы жекпе-жегін желтоқсан айында өткізіп, чехиялық Давид Дворжакты мерзімінен бұрын жеңген болатын. Ал Игор Северино наурыз айында октагонға шығып, тәжікстандық Хуршед Кахоровты екінші раундта нокаутпен жеңді.
