Байсуфинов FIFA Series турнирі мен Сатпаев жайлы пікір білдірді
Фото: м
Қазақстан құрамасының бас бапкері Талғат Байсуфинов Астанада өтетін FIFA Series-2026 турнирі аясындағы алдағы матчтар туралы айтып, құрамға қатысты шешімдерді түсіндірді, деп хабарлайды Pin-UpSport.kz. Ол «Қайрат» шабуылшысы Дастан Сатпаевтың неге шақырылмағанына тоқталды.
Турнир аясында Қазақстан құрамасы екі кездесу өткізеді: 25 наурызда Намибиямен, ал 31 наурызда Комор аралдары құрамасымен ойнайды. Бұл матчтар ФИФА ұйымдастырған халықаралық жарыс шеңберінде өтеді және әртүрлі құрлық командаларына ойын тәжірибесін арттыруға бағытталған.
Байсуфинов Сатпаевтың құрамға енбеуі «Челси» клубының медициналық штабының ұсынысымен байланысты екенін айтты. Оның айтуынша, футболшыға наурыз айындағы халықаралық үзілісте толыққанды қалпына келу қажет. Сонымен қатар, бапкер ойыншыны жастар құрамасына жіберу мәселесіне де тоқталып, оны негізгі құрамның ойыншысы ретінде қарастыратынын жеткізді.
«Біз бұл мәселені жан-жақты талдадық. Мысалы, Грузияда өткен жастар арасындағы Еуропа чемпионаты кезінде Хвича Кварацхелия ұлттық құраманың сапында қалды. Біз де жас ойыншыларды төменгі жас санатына жіберу олардың дамуына кері әсер етуі мүмкін деп санаймыз. Дастан қазірдің өзінде жоғары деңгей көрсетіп жүр, сондықтан оны ұлттық құраманың ойыншысы ретінде қарастырамыз», — деді Байсуфинов.
Айбар Рысдаулет
Адиев «Ақтөбемен» келіссөз жүргізіп жатқанын растады
Қазақстан мен Өзбекстан құрамалары бірлескен дайындық өткізеді